S.H.Figuarts - MASKED RIDER KABUTO

SHF的新素體正式出爐，自稱真骨彫製法，
比起舊版當然無得比，但其實無想像的出色，



先說包裝，盒細了，實淨了，但其graphic design十分差，
一張product相大頭add noise再加個outer glow就算，
十分學生作品，勁無諗過，BANDAI的包裝設計真係未好過，
但之前也不至於像這盒，超hea做，求期得很，
更幣的是.........是無窗～～無得睇吓個樣先，
可知BANDAI的QC起落之大，是你意想不到的，
無得睇吓先，玩家要冒好大的險呢，
雖然我都不是揀好多盒嗰種玩家，但無得睇又有點那過～～。
說回玩具本身，水準係有的，手工不錯的，但也有缺點，
比例上，頭部明顯大了點，好似太大了吧～～，
手臂又太幼，可換手腕／手掌竟用了類似FIGMA的做法，
手腕可動性減了不小，這做法極之奇怪，有點走回頭路之感...，
配件極小，得兩把架生，加個特效比大家都唔得，
大佬呀～～！加價加咗成千YEN，得咁小野玩？過份咗D吓哇～～
可動性的確係強，但其實之前“劍”的素體也有相同的可動性，
比例還比這台真骨彫製法來得好，配件又多好多，
價錢仲平D，真骨彫製法.....我彫～～～！！

講到好似好差咁，其實......又唔算差嘅，都幾好玩的，
上色也算靚（如QC無事的話......），加上角色人氣勁，
貴咗幾十蚊都無計了；整体有待改進，希望8月響鬼會出得好D啦。