12月焦點玩物

12月本人焦點玩物

魔鬼12月來了，一點都不輕鬆呢，
BANDAI今月全力出擊(好似好等錢洗咁)，
咩超合金魂、Metal build、超合金DX一齊出晒，
好在本人三樣都唔中，是但中一樣都唔掂呀～～

雖然避過三件大野，但係中好多細野都夠晒傷，
又係主力中SHF，今月B記11件SHF產品，
中8件～焦點之一係Amazon Alpha，
上隻Omega超得，更使我期待呢隻，應不錯呢，
另外WWE首次SHF化，出ROCK ＆ Stone Cold，
兩位都係我最鍾意的摔角手，見可動幾勁，要買！
其餘有Harley Quinn同三隻ROGUE ONE的角色，
都應該會買，但驚Harley Quinn會出事⋯⋯
今月唯一魂限幪面超人Ghost Greatful魂，
見佢有記念特典先訂，其實我對佢好一般.......
可能到時買走佢都唔頂。

今月本人真正焦點係～ROBOT魂吉姆～！
超喜歡ver. A.N.I.M.E.系列，吉姆想買兩隻呢！
另有SIC出全新款式Drive，見都幾醒目，都應該幫襯嘅，
另見有LG系列頭領柯柏文，靚過美版好多，
會買但驚貨源不夠，希望買(唔炒)到啦；

最後FIGMA也有4隻中中地，比較留意係no.300的英雄王，
但幾貴，其餘幾款雖然中，但都睇情況先買，要吓忍手。

總括12月都幾恐怖吓，好在魂限中得小先無咁傷，
不過12月近聖誕，歡樂氣氛下買多一兩件都OK啦，
咁又一年了，下年真係會玩小D玩具了(年年都咁講)。